Nag-umpisa na sa pagpanghatag sang Unconditional Cash Transfer (UCT) cash cards sa mga benepisyaryo sang UCT-Listahanan ang Department of Social Welfare and Development Office ukon DSWD 12.
May-angot sini, ginbaton sang mga benepisyaryo halin sa Brgy. Dalipi, M’lang, North Cotabato ang cash card nga nagakantidad sang P3, 600 grant para sang tuig 2020.
Ang mga kwalipikado nga benepisyaryo sang UCT ang lakip sa mga natumod nga pumuluyo sa Listahanan 2 sang DSWD 12 kag mas naapektuhan sang pagsaka sang presyo sang mga balaklon epekto sang TRAIN Law.
Nalakip dire ang ang mga benepisyaryo sang 4Ps, Non-Pantawid members kag indigent senior citizens.
Nagpahanumdom naman si DSWD 12 RD Restituto B. Macuto sa mga benepisyaryo nga sundon ang social distancing kada magpila sa mga Land Bank Branches.
Indi man suno pa kalimtan ang pagsuksok sang face mask kag face shield agud luwas sa paandam sang virus.
Pahayag ni DSWD 12 RD Macuto nga wala sang ginapili anng COVID-19 nga takdan amo nga maayo nga mangin handa kag depensahan ang kaugalingon batok sa virus.
Samtang ginsikya sang mga empleyado sang DSWD Field Office 12 ang dokumento sang mga benepisyaryo samtang ginpanghatag sang staff sang Land Bank of the Philippines ang mga cash card.
Sa subong yara sa 2,543 na ang nahatagan sang ahensya halin sa 4,669 target beneficiaries sa banwa sang M’lang Cotabato.
