Dep.Ed. 12 nagahulat pa kon sa ginsubmitir nga 24 ka mga eskwelahan sa rehiyon ang pasugtan sa pilot testing sang face to face classes.

28

*.* Nagahulat pa ang pamunuan sang Department of Education ukon Dep. Ed. 12 kon sa 24 ka mga ekswelahan sa rehiyon nga ginsubmitir sang nagligad nga tuig may malakip sa isa ka gatos nga mga eskwelahan nga yara sa low risk areas ang pahanugutan para sa pilot testing sang limited face to face classes, matapos aprobahan ni Presidente Rodrigo Duterte.
Suno kay Dep. Ed. 12 Regional Director Carlito Rocafort ini tungod sang nagligad pa nga tuig nasubmitir ang listahan sang mga eskwelahan nga lain ang sitwasyon sang kaso sang COVID -19 sa rehiyon sang 2020 kaysa sa subong nga nalakip ang rehiyon dose sa high risk classification.
Sa subong suno pa ginapaidalom sa re-assessment sang Dep. Ed. Central Office ang 24 ka mga eskwelahan sa rehiyon dose para sa pilot testing sang limited face to face classes.
Pahayag ni RD Rocafort dapat makapasar sa 200 ka mga indicators sa school safety assessment tool ang mga eskwelahan, may suporta sang lokal nga panggobyerno paagi sa isa ka resolusyon ukon sulat, ang mga eskwelahan ang naaprobahan sang DOH sa limited face to face classes kag iban pa.

Facebook Comments