Davao City – Gipahimangnuan sa Department of Social Welfare and Development (DSWD) XI ang tanang Pantawid Pamilyang Pilipino Program o 4Ps beneficiaries nga dili gamiton ang programa sa pamulitika.
Segun ni DSWD XI Assistant Director for Operations Rebecca Santamaria walay matugutang parent leader o membro nga mangampanya sa usa ka kandidato nga gamiton ang 4Ps.
“Kung naay mga parent leaders nga mugamit sa Pantawid Pamilya para sa usa ka pulitiko matanggal gyod siya sa program,” matud ni Santamaria.
Gitataw ni Santamaria nga kung mapamatud-ang nagpagamit sa usa ka kandidato ang usa ka parent leader dili lang usab siya ang matanggal sa programa lakip na ang mga anak niini.
“Ang akoang reminder sa mga parent leaders and even dili parent leaders sa atong Pantawid Pamilya nga dili gayod magpagamit kay kung matanggal ka sa programa tanggal pod ang inyong mga anak dili na pod sila maka-eskwela because ang atong program is set for the education and health for the children nga naglisod,” sumala ni Santamaria.
Matud ni Santamaria kung buot mangampanya bin ba kaha mudagan karong Barangay ug SK elections ang usa ka parent leader sa 4Ps gikinahanglang mu-file sila og leave sa buhatan.
Gikanayon ni Santamaria ilang gioktaba ang food for work ug cash for work nga payment sa mga barangays aron malikayan nga gamiton ang ilang opisina sa mga kandidato.
Dugang niini base sa gipakanaog nga memorandum sa DSWD head office hugot sila nga mag-monitor sa mga munisipyo aron masegurong dili pahimuslan ang mga resources ug mga beneficiaries sa ilang programa.
RadyoMaN Aimee Guinita
