Gi-anunsyo sa Pantawid Pamilya Pilipino Program kon 4ps ning probinsya sa Bukidnon ang nakatakdang pagpahigayon sa validation aron idugang nga miyembro sa 4ps.
Sa interview sa RMN Malaybalay ngadto kang Jonalin Baclawon, Social Worker sa DSWD Bukidnon gibutyag niini nga karong semanahan nagsugod ang mao nga validation aron sutaon kung kwalipikado ba kini para masulod sa programa sa 4P’s.
Matud ni Baclawon nga ang mao nga validation alang kini sa set 9 nga mahimong pantawid beneficiaries.
Alayon niini, gi-awhag sa social worker ang mga na apil sa listahan nga magpa-validate sigun sa schedule sa lungsod o siyudad.
Nagpahinumdom usab ang DSWD nga kinahanglan nga dad-on ang mga rekisitos alang sa himoon nga validation.
Nasayran nga sa tibook Bukidnon mukabat sa 10,900 household ang nakatakdang ipailawom sa validation aron ma-apil sa programa sa 4p’s.
Ang na apil sa listahan subay sa gihimong listahanan sa DSWD kaniadtong tuig 2015 nga gikonsiderang poorest of the poor.
