Malaybalay City, Bukidnon – Nakatutok ang Department of Social Welfare and Development kon DSWD Region 10 sa paglikay sa mga kabataan gikan sa paggamit sa illegal nga droga karong gisaulog ang National Children Month.
Ang 25th National Childern’s Month dunay tema nga “BATA: Iligtas sa Droga!”.
Sa interview sa RMN Malaybalay ngadto kang Charmaine Tadlas, ang spokesperson sa DSWD region 10 gibutyag niini nga usa sa interbensiyon aron matabangan ang mga kabataan nga malikay sa paggamit sa illegal nga droga mao ang paghimo ug kampanya ngadto sa mga ginikanan kung unsay epekto niini ug ang pagpahigayon ug mga drug symposium sa mga tulunghaan.
Matud ni Tadlas nga apil sa mga intervention nga gihimo usab sa DSWD kauban ang LGUs nga ipailawom sa rehabilitasyon ang mga kabatan-unan nga nigamit na sa illegal nga droga.
Ang mahimo lang matud pa sa DSWD mao ang pagmonitor sa mga kabataan, pag-rehab ug paghatag niini ug giya.
Sigun sa buhatan nga responsibilidad sa mga ginikanan nga monitoron ang ilang mga anak aron mahimong layo sa paggamit sa ginadiling droga.
