Subling gilunsad sa Department of Social Welfare and Development kon D-S-W-D Region 10 ang ilang anti-epal campaign.
Matud ni DSWD 10 Information Officer Charmaine Tadlas nga ang Bawal Ang Epal Dito Campaign gisugdan na karong bulana nga nagtumong nga protektahan ang conditional cash transfer program sa gobyerno nga dili magamit sa national ug local candidates sa ilang political campaign.
Gipasabot ni Tadlas ngadto sa mga benepisaryo sa Pantawid Pamilyang Pilipino Program kon 4Ps nga walay si bisan kinsang politiko or grupo ang makapatangtang kanila sa listahan tungod kay ang DSWD lamang ang dunay kapas sa paghimo niini.
Hinoon, gipahinumduman ni Tadlas ang mga benipisaryo nga sundon lamang ang mga health and education conditionalities lakip na ang matag bulan nga Family Development Sessions.
Tungod niini, gawasnon ang mga benipisaryo sa pagpili sa mga gusto nilang kandidato sa umaabot eleksyon.
Sa karon, niabot na sa kapin 250-thousand ang mga benipisaryo sa 4Ps sa tibuok Northern Mindanao.
