Davao City – Gipaniguro karon nga adunay igong hinabang nga matunol ngadto sa mga biktima sa linog sa Region XI human nag-abot abot ang mga hinabang gikan sa ubang mga rehiyon sa nasud.
Sumala ni Erma Sampiano, DSWD-XI Disaster Management Division Head, ang rehiyonal nga buhatan sa Department Social Welfare and Development (DSWD-IX) padayong nagadawat og mga hinabang alang sa mga biktima sa linog sa rehiyon gikan sa nagkadaiyagng rehiyon sa nasud.
Matud ni Sampiano, base sa ilang talaan kapin walo ka libo ka mga pamilya ang naapektohan ug natunulan na sa hinabang nga gilangkuban sa mga lugar sa Magsaysay, Bansalan, Digos City, Hagonoy, Kiblawan, Malalag, Matanao, Padada, Sta.Cruz Davao del Sur, samtang sa Davao Occidental mao ang Malita ug Sta.Maria.
Giklaro usab ni Sampiano nga wala silay nakitang mga nagpalimos diha sa mga highway sa Davao del Sur dili susama didto sa Makilala diin gisuspetsahang dili kini sila apektado sa trahedya.
RadyoMaN Bernard Pantallon
