Sa interview sa DXDC RMN Davao kang Atty. Archie Albao, Regional Director sa NBI-XI, iyahang gibutyag nga na-inspeksyon na nila indoor arena o ang Kingdome sa pastor, lakip na ang propyedad niini sa Samal island. Samtang, bag-ohay lang, gibalikan nila ang property niini sa Tamayong, Calinan, Davao City, human nga dunay nabantayan nga mga sakyanan nga nagasulod-gawas sa lugar, apan pakyas nila nga nakita si Quiboloy.
“There are some properties nga wala pa nato ma-identify gyud, but kadtong mga major properties kung asa sya frequently naga-adto before, naga-opisina, iyang ginatulogan, atoa na ‘nang naadtoan tanan,” sulti ni Albao.
Sa pagkakaron, dunay mga personahe nga gibutang sa mga identified area nga iya ni Quiboloy aron hugot kining ma-monitor, ug giawhag usab ang publiko nga gilayong mo-report kung sila adunay impormasyon sa gikahimutangan sa pastor nga nag-atubang og mga kaso.
RadyoMaN Kirby Manzon
