Mipahimangnu ang buhatan sa Department of Social Welfare and Development (DSWD)-Region X ngadto sa mga benipisyaryo sa Pantawid Pamilyang Pilipino Program (4Ps) kabahin sa pagprenda sa ilang mga Cash Cards.
Sa interview sa RMN Malaybalay ngadto kang Oliver Inodeo, 4Ps Coordinator sa DSWD-X, gibutyag niya nga gihingusgan nila karon ang kampanya batok sa pagprenda og cash cards sa mga benipisyaryo sa 4Ps.
Mitanyag na sumala pa og usa ka libo ka pesos nga ganti ang buhatan sa kung kinsa man ang makatug-an sa gaprenda niini.
Apan wala matud pa silay report nga nadawat kabahin niini maong maglisud sila pagsulbad sa maong problema.
Maong panghangyo karon sa buhatan nga isumbong ang mga gaprenda og cash cards nga benipisyaryo sa maong programa.
Tawag lang sumala pa sa 09553903978 4Ps hotline, ug ibutang lang ang pangalan ug address sa nagprenda lakip ang giprendahan sa maong cash card.
Facebook Comments
