Davao City – Muabot sa P148, 470, 000 ang na-release nga pondo alang sa Livelihood Assistance Grant (LAG) ilawom sa Department of Social Welfare and Development (DSWD)-XI.
Ang LAG program usa sa mga livelihood recovery assistance para sa mga kwalipikadong benepisyaryo nga naapil sa impormal nga sektor diin kini nagtumong nga matabangan ang mga ginagmay nga negosyo nga apektado sa gipatumang community quarantine pagsiaw sa Coronavirus Disease 2019 (COVID-19) niadtong Marso 2020.
Sa datos sa DSWD-XI, anaa sa 12,189 ang makabenepisyo sa maong programa gikan sa lima ka mga probinsya sa Davao Region.
As of January 12, 2021, nagpadayon ang gihimong validation sa Davao City.
Samtang, aduna nay nahatagan nga kwalipikadong household sa Davao del Norte nga anaa sa 2,273, Davao de Oro (2,850), Davao Oriental (2,813), Davao del Sur (3,331), ug Davao Occidental (922).
Ang Local Government Unit (LGU) uban ang DSWD staff ang mudawat, mag-validate ug mag-assess sa mga indibidwal nga kwalipikado sa maong programa.
RadyoMaN Kirby Manzon
