Nagpahanumdom ang Department of Trade and Industry 12 (DTI-12) sa publiko nga mangin maid-id sa pagbakal sang Christmas lights.
Suno kay DTI-12 Regional Director Jude Constantine Jaugan, nga lantawon gid ang baklon nga Christmas light kon may-yara sang Philippine Standard (PS) mark of Import Commodity Clearance (ICC) sticker agud masiguro ang kaluwasan kag malikawan ang anuman nga disgrasya nga matuga sang mga depektibo kag substandard nga produkto.
Lakip ang Christmas lights sa mga produkto nga ginamonitor sang DTI base naman sa Republic Act 7394 ukon ang Consumer Act of the Philippines kag sa polisiya nga gintalana sang Bureau of Philippine Standards (PBS).
Dugang pa ni Director Jaugan, magluwas sa PS ukon ICC marks, ang outside diameter size sang isa ka Christmas light wire ang dapat yara sa 1.5 millimeter kag ang pins sang plug ang matig-a.
Samtang ang mga manufacturers, importers kag retailers nga nagabaligya sang mga produkto nga wala nagasunod sa BPS Product Certification Scheme ang magapangatubang sang kaso administratibo bilang pagbayolar sa DTI Department Administrative Order (DAO) 2:2007, RA 7394 ukon Consumer Act, kag RA 4109 ukon ang Standards Law.
