Noong Setyembre 22, nagsagawa ng monitoring ang Consumer Protection Division ng DTI sa iba’t ibang tindahan at pamilihan sa lalawigan.
Kabilang sa binabantayan ang presyo at availability ng mga produktong karaniwang inihahanda ng mga pamilya para sa Noche Buena.
Tinitingnan din ng DTI kung ang mga presyong nakapaskil sa mga establisimyento ay naaayon sa umiiral na Suggested Retail Price o SRP.
Mahalaga ang maagang monitoring upang magkaroon ng baseline sa galaw ng presyo at suplay bago pa lumakas ang pamimili sa holiday season.
Wala namang iniulat sa inilabas na impormasyon ng DTI-La Union na kakulangan ng Noche Buena products o paglabag sa presyo sa mga establisimyentong kanilang sinuri.
Inaasahang magpapatuloy ang pagbabantay sa merkado habang papalapit ang Pasko, kasabay ng inaasahang pagtaas ng demand sa mga produktong pang-Noche Buena. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣