DTI nag iimbistiga na bahin hiton substandard steel bars ha Leyte ngan Samar

239

Nagdudumara hin imbistigasyon an Department of Trade and Industry o kun DTI mahitungod nga may nakakarawat nga mga report an buhatan nga mayada hardware store ha Leyte ngan Samar nga nagbabaligya hin substandard construction materials, ilabi na an steelbars.

Nakarawat an report han DTI tikang ha Philippine Iron and Steel Institute, nagdumara kasi ini nga buhatan hin test buys ha local hardware stores dinhi ha aton dapit.


Sanglit sumala kan DTI Regional Director Cynthia Nierras, nagpadara na an DTI Central Office hin mga tinaglawas tikang ha DTI Fair Trade and Enforcement Bureau para imbistigahan ini nga mga hardware store.
Base hiton PISI report, 9 millimeters in diameter iton ginbabaligya han mga hardware store. Diri daw ini tensile strength nga standard han buhatan.

Rason nga mayada mga buildings nga dali dali nga naguguba o natitibak ilabi na kun magkamayada earthquake, ini naman an ginkakabaraka han DTI.

May mga nadakop na an DTI tikang ha Palo, Leyte ngan Basey ha Samar ngan gintagan na ini nira hin Notice of Violation.
Pagkatapos hiton mediation, magdedesisyon an buhatan kun ipapasara o papatawan hin penalty an mga enterprises o hardware nga nagbabaligya hin substandard construction materials.

Facebook Comments