May mga listahan sang Suggested Retail Price ukon SRP nga ginpagwa ang Department of Trade and Industry ukon DTI nga mahimo tamdan sang publiko kon magbakal ang mga ini sang noche buena items kasubong sang ham, spaghetti, tomato sauce kag iban pa nga panakot ukon pagkaon nga ginahanda kon Paskwa.
Ginpahayag ni David Sinay, Information Officer sang DTI- Region 6 nga nabalhag sa nasambit nga listahan ang mga nagkalain-lain nga brand sang produkto kag ang mga presyo agud makapili kag mapasanto sang mga konsumidor sa ila budget ang pagabaklon nga mga noche buena items.
Ginpanugyanan man ni Sinay ang mga konsumidor nga mangin mahinalungon sa mga ginabakal nga prudukto kag tsekyaron gid ang expiration date.
Dugang pa niya nga mahimo makapalab-ot sang reklamo ang mga konsumidor sa Consumer Welfare Desk sa mga grocery stores kag supermarkets apang kon indi maresolba, mahimo magpadulong sa opisina sang DTI .
(photo from web)
