Nagalab-ot sa 154 ka mga hardware stores,/appliance centers/service and repair enterprises (SREs) ang tigayon nga namonitor sang DTI-South Cotabato base sa datos halin Enero tubtob Agosto 4 subong nga tuig.
Ang nasambit suno pa nga tikang sang ahensya ang kabahin sang mas ginpabakod nga monitoring sa product standards paagi sa Consumer Protection Division sang ahensya..
Upod sang DTI sa pagminitor ang Philippine National Police (PNP), National Bureau of Investigation (NBI) kag National Intelligence Coordinating Agency (NICA) agud siguraduhon ang implementasyon sang Republic Act No. 7394 ukon Consumer Act of the Philippines, RA 4109 ukon ang Product Standards Law kag Presidential Decree No. 1572 ukon ang Accreditation Law.
Suno kay DTI Provincial Director Rictoniel Reginio ang monitoring ang ginapatigayon sang ahensya agud masiguro nga wala sang mga substandard nga produkto ang ginabaligya sa local market kag naglapas sa suggested retail price
May-angot sini, suno kay Reginio may-yara sila sang napapanaugan nga pinalidad nga establishemento tungod sa wala pagbutang sang tama nga PS mark.
Pipila man ka mga establishemento ang ginpadal-an nila sang letter of inquiry matapos nga naglapas sa suggested retail price.
