DTI South Cotabato may mga nadawat gihapon nga reklamo batok sa mga produkto nga mapalit sa online

28

Gikumpirma ni Department of Trade and Industry kon DTI South Cotabato Provincial Director Rictoniel Reginio nga anaa gihapon silay nadawat nga mga reklamo kalabutan sa produkto nga mapalit sa online seller nga anaa gawas sa probinsya dungan na usab sa COVID-19 pandemic.

Matud kang Reginio sagad sa mga reklamo nga ilang nadawat mao ang mga depektosong produkto, ang uban wala nag-abot ang ilahang gipang-order, apan nabayaran na ug ang dili sakto o dili susama sa produkto nga makit-an sa picture ang gi-deliver ngadto kanila.

Sumala niini nga ang maong mga reklamo ang gihatagan na usab nila ug aksyon. Kalabutan niini, iyang tambag sa mga nagapamalit online nga ireview gyud ug sakto ang paliton nga produkto ug dili gyud una bayran kung wala pa niabot ang ilang order.

Facebook Comments