Padayon nga ginamonitor kag ang ginahimo nga enforcement sang Department of Trade and Industry ukon DTI South Cotabato sa baligyaanay sang construction materials partikular na steel bar kon bala nagasunod sa standard ang mga hardware stores sa probinsya.
Sa subong suno kay DTI Consumers Welfare Division Chief Elbert Capicio ginsettle naman sang mga hardware stores sa probinsya nga nadakpan nga nagbayolar sa baligyaanay sang construction materials kag pagbayad sang pinalidad.
Ginpahayag niya nga wala man sila nagkulang sa paghatag sang seminar kag impormasyon angot sa standard sang ginabaligya nga produkto.
May-angot sini, nagalaum sila suno kay Capicio nga magcomply na sa product standard ang mga hardware storea sa probinsya tungod sa ginahimo nga tikang sang ahensya.
Nahibaluan nga lima ka mga hardware stores sa probinsya ang nauna na nga nadakpan nga nagabayolar sa product standard sa ginpatigayon nga inspection sang ahensya.
