DTI-XI: face shield wala pay SRP

135

Davao City – Wala pay gipagawas nga Suggested Retail Price (SRP) ang Food and Drug Administration (FDA) sa presyo sa face shield matud sa Department of Trade and Industry (DTI) XI.

Sa interbyu sa DXDC RMN Davao kang Maria Belinda Ambi, Regional Director sa DTI-XI, gibutyag niini nga ang ulahi’ng SRP nga gitunol kanila sa FDA mao ang alang sa PPE kun Personal Protective Equipment for COVID-19 (Coronavirus Disease 2019) sama sa face mask, goggles ug alcohol ug wala pay labot ang face shield.


“Sa face shield wala pa gyud na-establish ang SRP ana by the FDA. Actually, ang FDA ang regulatory body for anything nga medical related,” saysay ni Ambi.

Matud ni Ambi, kanunay usab ang ilang koordinasyon sa FDA aron dili ma-abuso sa mga sellers ang face shield ug uban pang protective materials batok COVID-19 diin adunay reports nga grabe ang pagtaas sa maong mga produkto panahon nga kini mas gikinahanglan.

RadyoMaN Kirby Manzon

Facebook Comments