KABANKALAN CITY – Duwa ang patay sa nagluntad nga pagtiniruhay sang duwa ka pamilya sa Sitio Baras Diutay, Brgy. Bantayan, syudad sang Kabankalan.
Pasado alas-2 kagapon sang hapon sang gin-sulong sang pamilya Lutas ang puluy-an sang pamilya Villarosa kag Batisla-ong sa diin may nagluntad nga pagbayluhanay sang luthang.
Bangud nga naga-dabu-dabo kahapon sang hapon yara sa sulod sang puluy-an ang mga miembro sang pamilya Villarosa kag Batisla-ong rason nga ini sila naka-panago ukon naka-cover.
Apang, nag-balos naman ang pamilya Villarosa rason nga na-igu-an ang mag-tiyo nga miembro sang pamilya Lutas.
Kahapon (Jan 27) nasapwan ang bangkay ni Yoyen Lutas nga may igo sa ulo, tyan kag iban pa nga bahin sang lawas.
Subong gid lamang nga aga (Jan 28) nasapwan ang bangkay ni Efren Lutas, tiyo ni Yoyen, mga 60 anyus ang edad.
Nakita ang bangkay ni Efren nga 100 metros ang kalayu-on sa puluy-an sang pamilya Villarosa samtang gina-verify pa upod sang mga nag-sulong nga si Samuel.
Suno kay Punong Barangay Oscar Abajon sang Brgy. Bantayan, Kabankalan City, nga nag-sugod ang conflicto sa irinaway sa baylihan bangud nga gindakup sang tanod nga si Nestos Junjun Villarosa si Yoyen Lutas sadtung Enero 26 sang nagpatigayon sang fiesta sa amo nga barangay.
Dugang pa ni Abajon nga na-akig ang biktima (Yoyen) kon nga-a ini sya ang gindakup ni Villarosa bangud nga wala naman ini sang sala.
Pahayag sang kapitan nga na-hitso na ukon na-settle na ang amo nga problema rason nga nakibot nalang sila nga nag-sulong kahapon ang pamilya Lutas.
Samtang, nag-surrender naman ang tanod nga si Junjun Villarosa kag karon detained sa Kabankalan Police Station.
Pilason man ang utod ni Junjun nga si Arnel Villarosa kag padayon pa nga ginabulong sa isa ka ospital sa Bacolod.
Narecover sa crime scene ang isa ka sulpak kag mga bala sang 9 mm pistol. / Mawie delos Santos photo/RMN
