By: Joanna Ricote
Makadawat sa dugang 200 pesos matag bulan ang mga benepisyaryo sa 4p’s sa Department of Social Welfare and Development Office kon DSWD.
Matud ni Maam Aldersey Mumar – Dela Cruz, ang Asst. Regional Direcotr for Operations sa DSWD Regional Office X, nga karong tuiga, maka-angkon og dugang 200 pesos ang mga benepisyaryo ubos sa targeted cash transfer sa tumong nga natupngan ang kinahanglanon sa gipatuman nga tax reform, kung asa misaka ang kantidad sa mga nag unang palaliton.
Luyo niini, sa tuig 2019 laing 600 mil ka mga household ang posibleng madugang sa listahan sa 4p’s sa DSWD.
Nasayran nga sa kasamtangan adunay 4.8 million nga mga benepisyaryo sa 4P’s kung asa 269,480 household niini ang anaa sa Northern Mindanao.
Luyo niini, gipaniguro sa DSWD, nga magpadayon ang ilang mga programa alang sa katawhan, aron nga makab-ot ang millennium development goal.
