Pagadian City – Niabot na dugang ang ika-16 nga batch sa COVID-19 vaccines sa Zamboanga Peninsula nga mao ang 18 ka kahon sa Sinovac vaccine nga dunay 27,400 ka doses, kaniadtong adlaw’ng Huwebes, Hulyo 08, 2021.
Ang mao nga mga bakuna ang alang sa A1, A2, ug A3 nga mga priority groups. Mikabat na sa 371,000 ang kinatibuk-ang vaccine nga nadawat sa tibuok Region IX sukad pa kaniadtong Marso hangtod ning kasamtangan.
Sumala sa datus sa DOH IX ang maong mga bukuna gilangkoban sa 271,600 ka Sinovac vaccine; 62,800 ang AstraZeneca; ang Pfizer – 35,100; ug ang Gamaleya – 1,500. Lakip na sa maong ihap ang first dose ug second dose nga mga bakuna.
Nasayran man usan nga nakadawat ang Local Health Support Division og pahimangno gikan sa National Vaccine Operation Center nga adunay pagka-oktaba sa pag-abot sa mga bakuna nga susama sa Gamaleya og Sinovac sa Zamboanga Peninsula.
Sa ulahing datus ubay-ubay na ang mga nabakunahan sa tibuok Zamboanga Del Sur. Padayon nga gaawhag ang DOH sa mga katawhan nga magpaturok na sa bakuna ilabina kadtong mga nailalom sa A1, A2 ug A3 nga wala pa nagpabakuna aron ma-protektahan ang kaugalingon ug ang mga pamilya sa mananakod nga COVID-19.
