BACOLOD CITY – Suportado sang grupo sang mga manunudlo sa Negros ang panawagan nga dugang nga compensation, partikular sang mga manunudlo nga masobra sa 24 oras nga nag-serbe sa bag-o lang natapos nga eleksyon.
Suno kay Association of Concerned Teachers (ACT) – Negros, Chairman Gualberto Dajao, tuman ka daku ang sakripisyo sang mga manunudlo sa 2019 Mid-term Elections partikular ang mga Board of Election Inspectors nga naka-encounter sang delay kaangay sang nag-palya sang Vote Counting Machine (VCM) kag corrupted nga SD Cards.
Ginpaathag pa ni Dajao nga kon lantawon, indi makabayad ang honorarium sang COMELEC sa serbisyo sang mga manunudlo sa diin ‘up-stake’ pa diri ang ila career sa ti-on nga may yara sang mag-reklamo nga pulitiko.
Dugang pa sang ACT-Negros nga dapat tun-an sang maayo sang COMELEC ang sistema agud nga INDI man mabudlayan ang mga manunudlo particular ang tuman ka lawig nga pila sa mga polling centers sa diin sila naman ang nagapanginlam-os sang reklamo gikan sa mga botante.
Tags; Visayas, Bacolod, DYHB
[image: image.png]
