Nadugangan ang mga empleyado sang provincial capitol sang Negros Occidental nga gindagdagan sang 60-day preventive suspension.Ang tatlo ka mga nagdugang ang ginalakipan ni Atty. Ariel Cuaycong kag Warlito Butalon sang Provincial Legal Office (PLO) kag Ma. Mina Pellejo head sang Negros Occidental Comprehensive Health Program (NOCHP).
Sila ang una na nga ginpadal-an sang show cause order sang probinsiya. Nag-ugat ang show cause order batok kay Cuaycong kag Butalon bangud sang gina-alegar inconsistency sa ila nga daily time record samtang ang kay Pellejo ang bangud sang gina-alegar nagsobra nga budget sang NOCHP kag indi mapaathag nga mga benefeciaries.
Ang 60-day preventive suspension batok sa tatlo ang nagsunod na kahapon, Hulyo 16. Madumduman nga una naman gin-suspend sang probinsiya sanday Provincial Budget Officer Jose Percival Salado kag manager sang Mambukal Resort nga si Ellen Marie Jalandoni.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
