Dugang pwersa sa kapulisan ug militar, hangyo sa Mayor

General Santos City— Giangkon ni Gensan City Mayor Ronnel Rivera nga iyaha gyud nga gihangyo ang kapulisan ug militar nga mas pakusgan pa ang pagbantay sa siguridad sa dakbayan.

Kini aron nga malikayan ang posibleng spill over sa mga kagubot gikan sa mga kasikbit nga mga lugar sama nalalang sa nahitabong gyera tali BIFF ug militar sa Datu Paglas, Maguindanao.

Busa mas gipahugtan matud pa sa karon ang pagbantay sa mga checkpoint pasulod ug pagawas sa dakbayan.


Dugang pamahayag ni Mayor Rivera nga sa karon nagpabilin sa alert level 3 ang dakbayan ug kini na ang pinaka-taas nga alerto ang mapatuman sa dakbayan sa karon.

Kung asa mihangyo na matud pa siya ug dugang pwersa gikan sa kapulisan ug militar nga ipangbutang sa mga checkpoint. Kini aron nga mapugngan ang kinsa man nga buot musulod sa dakbayan aron maghimo ug kasamok.

Facebook Comments