Gipasaka kagahapong adlawa sa 403rd Infantry Brigade, Philippine Army ang tulo ka mga kaso batok sa grupong New Peoples Army kon NPA tungod sa paglapas sa R.A. 9851 kon Crimes Against International Humantarian Law kon IHL didto sa RTC Branch 25 sa Cagayan de Oro City.
Sa interview sa RMN Malaybalay ngadto kang Col. Ferdinand Barandon, ang commander sa 403rd Infantry Brigade, gibutyag niini nga ang unang kaso, nag-ugat sa nahitabong pagsunog sa mga NPA ilawom ni Roling Micabalo sa NCMRC sa sugarcane plantation nga nagresulta usab kini pagkamatay sa usa ka ni-responding pulis human nga gi-amubush niadtong Disyembre 12, 2018 sa Sitio Mapait, New Eden, Pangantucan.
Matud ni Col. Barandon nga ang ikaduhang kaso tungod sa nahitabo niadtong May 22, 2020 sa Kawayan, San Fernando, Bukidnon kung asa napatay sa NPA ilawom ni alias Kumander Ladong sa GF Malayag ang usa ka 20 anyos nga anak sa Barangay Kapitan.
Samtang ang ikatulong kaso nag-ugat sa nahitabong pagpatay ni alias Kumander Diar sa NPA sa usa ka sibilyan sa Sitio Bagong Lipunan, Linabo, Quezon, Bukidnon niadtong Hunyo 7 ning tuiga.
Sa pagkakaron, 6 na ka kaso ang napasaka sa gobierno batok sa CPP-NPA nga nag-operate sa Bukidnon tungod sa kasupakan sa IHL.
