Davao City – Sikop sa Davao City Police ang duha ka lalaki atol sa gikasang buy bust operation pasado alas 9:00 kagabii.
Sa report sa DCPO, naila ang mga dinakpan nga sila Ruel Andoy, 26 anyos, Ernesto Mazo, 31 anyos, parehong residente sa Deca Homes Esperanza, Tigatto, Davao City.
Sumala pa malampusong napalitan sa kapolisan ang duha ka suspek og usa ka sachet nga shabu ug dali kini giaresto.
Narekober sa kapolisan ang laing 29 ka sako nga shabu nga motimbang sa 160 ka gramo ug gibanabanaang mukantidad og P2.6 milyon lakip nakumpiska ang mga illegal drugs paraphernalia.
Subay sa monitoring sa kapolisan nga target list kining duha ka dinakpan ug notadong nagapayuhot og iligal nga droga.
Priso na karon ang duha ug mag atubang og kasong dunay kalapasan sa R.A 9165 Section 5, 11 ug Section 12 (Comprehensive Dangerous Drugs Act of 2002).
RadyoMaN Don Pulayao
