BACOLOD CITY – Isa ka lalaki kag isa ka babayi nadakpan sa ginpatigayon nga drug buy bust operation kahapon sang kaagahon sa dalan Lopez Jaena, ciudad sang Bacolod.
Nakilala ang mga suspek nga sanday Pedro Gumban Jr., 41 anyos, single, residente sang Gomez St., Brgy. 2, Silay City kag si Joy Pelinio, 18 anyos, dalaga kag pumuluyo sang Grandville, Brgy. Daga, Cadiz City.
Ang buybust ginpatigayon sang mga element sang Police Station 4 may mga las 4:30 kahapon sang aga sa atubang sang old Ceres Terminal sa Lopez Jaena Street, Brgy. Villamonte, Bacolod City.
Nakuha sa possession sang mga supsek ang 5 ka sachet sang suspected shabu, kwarta nga cash nga kapin P4,700 pesos, buy bust item kag marked money.
Ini sila ang detained na karon sa custodial facility sang Police Station 4 kag ginahanda na ang kaso nga igapasaka batuk sa ila./dyHB BACOLOD
