DUHA DAKPAN SA ENTRAPMENT OPERATION BATOK ILLEGAL SMUGGLING

27
Handcuffs

General Santos City–Arestado ang duha katao human ang gihimong entrapment operation sa kapulisan batok illegal nga kontrabando, als 9:00 pasado ang takna sa gabii sa may Lanton, Barangay Apopong ning dakbayan sa Gensan.

Sumala kang Police Capt. Brent Ian Salazar, hepe sa Police Station 4 nga nakadawat sila ug impormasyon kabahin sa aktibidad sa mag-amahan nga silang Albas ug Amba Hadjula nga residente sa maong lugar rason nga gihimo ang operasyon.


Positibong napalitan ug mga smuggled nga sigarilyong gikan sa nasud Indonesia ang mga nahisgutan kantidad 1, 500. Wala na makapalag pa ang mga nasangpit dihang sila gisikop.

Dugang pamahayag ni Capt. Salazar nga gawas sa mga sigarilyong buy-bust item, aduna pay laing mga kahon sa gudang garam ug laing menthol cigarettes ang narekober sa panimalay sa mga suspek.

Gibana-banaang nagkantidad ug 350, 000 ngadto na 380, 000 ang mga smuggled nga sigarilyo nga nakuha sa mga dinakpan. Ginasuta pa karon sa kapulisan kung si kinsa ang source sa maong mga smuggled product gumikan subay sa pamahayag sa mga dinakpan, igo lang nga ginabilin kanila ang maong mga kontrabando.

Takdang pasakaan ug kasong pagsupak sa R.A 10863 kon modernizing customs and tariff administration ug kasamtangang balhog na sa lock up cell sa Police Station 4.(CDS)




Facebook Comments