General Santos City–Duha ka mga anggulo karon ang gitutukan sa Tupi PNP nga posibling motibo sa pagpamusil patay sa Farm Manager sa Eden Farm nga nahimutang sa Sitio Limblesong, Tupi, South Cotabato nga si Jeffrey Calanao, hingkod ang pang-edaron ug residenti sa syudad sa General Santos.
Sumala ni Police Chief Inspector Bernie Faldas, Hepe sa Tupi Municipal Police Station nga usa sa mga anggulong ilang gitutukan mao ang kalabutan sa personal grudge ug sa iyang trabaho isip farm manager.
Samtang giwala na usab sa kapulisan ang anggulong robbery human nga intact ang mga gamit sa biktima sulod sa iyang sakyanan, timailhan matud pa nga siya gyud ang tuyo sa mga suspek.
Una nang gipusil ang biktima alas 5:00 pasado ang takna sa gabie niadtong Lunes sa tunga-tunga nga bahin sa pinyahan nga sakop sa Kablon Tupi samtang sakay kini sa iyang pick up nga sakyanan padulong unta sa usa nila ka farm sa maong lugar.
