Sa tabang na mapadali an pagpailayum sa CT Scan sa duha ka bata na naluwas sa disgrasya kahapon na adlaw sa may Brgy Luna, dali na miaksyon an kadumayahan nan Caraga Hospital pinaagi na ni Supervising Administrative Officer Ronel Salmayor sanan napadaya ini sa isà ka pribadong hospital kagaina buntag .Sajo kagaina buntag nagpatabang an Lola sa duha ka mga bata sa RMN DXRS na si Mirasol Padao Gabayan na mapailayom sa pagtan aw an kahimtang sa duha nija ka mga apo na nakalingkawas sa disgrasya kagahapon sa did on na mibangga an tricycle na tagsakyan sa mga biktima diin hinungdan sa pagkamatay sa magtiayon na sila si Mr and Mrs Labandero .Sumaya pa sa Lola na si Mirasol na tuyo ka beses nagsuka an dos anyos na bata sa magtiayon na namatay rason na sija nagkabiro tungod kay way ija isab kwarta na ikagasto sa pagpatan aw sa ija mga apo.Sa paghangyo isab nan RMN ngadto sa CSWD pinaagi ni Mrs Myrna Destajo ini mipasalig na tabangan gajud pero sa paghikay nan mga papeles sa Caraga Hospital para magkuha unta nan record o referral tagmando na ni Mr. Salmayor na ideretso na lamang pagdaya sa kadumayahan an duha ka mga bata sa pribadong ospital para madali an pagpailayum sa CT Scan.Dako isab an kalipay sa Lola sa mga bata na natabangan og nalibre sila sa bayrunon sa amu na pagpaCT Scan diin gikatakda na ipagawas an resulta silom na adlaw.(RadyoMaN Jerson Fuentes)
