Detinado karon sa mini-cell sa Philippine Drug Enforcement Agency kon P-DEA Reg. 10 ang duha ka bigtime shabu supplier, human kini masikop sa managlahing operasyon sa lalawigan sa Misamis Oriental ug Bukidnon.
Matud ni P-DEA 10 Mis. Or. Agent GM Gomez, nga una nilang nasikop ang 56 anyos nga si Reynaldo Uabon nga taga-Kinoguitan, Misamis Oriental, kinsa nakuhaan sa 25 grams nga shabu nga gibana-banang nagbalor sa 150 tawsan pesos, kalibre .45 nga pistola ug sakyan.
Dugang pa ni Gomez, nga gikan matud pa ang supply sa shabu ni Uabon sa Cebu, Butuan, Surigao ug Marawi City.
Gawas naiini, nasuta usab nga usa ka swertres illegal gambling lord ang suspek sa Misamis Oriental, apan hugtanong gipanghimakak ni Uabon ang mga alegasyon sa P-DEA 10 batok kaniya.
Detinado usab ang laing suspek sa illegal nga druga kinsa anaa sa target list sa Philippine Drug Enforcement Agency kon P-DEA Reg. 10, nga si Arsad Basman, 21 anyos nga taga-Brgy. Tangkulan, Manolo Fortich, Bukidnon.
Matud ni P-DEA 10 Bukidnon Agent Luchana, nga nasikop si Basman sa gipahigayong anti-drug buy bust operation sulod sa panimalay niini sa maong dapit kung asa, nakuha sa posisyon niini ang lima ka gramo kapin nga shabu.
Dugang pa ni Agent Luchana nga ilado ang pangalan ni Basman, kung asa nasikop na usab nila kaniadto ang mga paryente niini gumikan sa pagpayuhot sa iligal nga droga.
By:Radyoman Aiza Mishelle-Enloran
