BACOLOD CITY – Duha ka bloke sang baligyaan ang totally gutted by fire kag duha ka iban pa ang partially damage sa natabo nga sunog pasado las 9 kagab-i sa Brgy. 14 diri sa ciudad sang Bacolod.
Ang natupok sang kalayo amo ang Tri-V Building kon diin apektado kag totally damage ang unit 7 nga arkilado ni Mark Espinoa ka gang Unit 8 nga gina-arkilahan ni Erik Maestre.
Samtang, partially damage naman ang Unit 9 nga gina arkilahan sang Dumplimco Lending Corporation kon diin ginabulubana nagdangat sa kapin 150 mil pesos ang kahalitan sang amo nga sunog.
Napalong ang kalayo matapos ang halos isa ka oras kag wala sang may gin report nga nasamaran sa amo nga insidente nga padayon nga gina-usisa sang Bureau of Fire Protection kon diin naghalin ang amo nga sunog.
