Duha lang ka butang ang gihangyo ni Misamis Oriental Gov. Yevgeny Emano kang General Ronald Bato Dela Rosa atol sa pagbisita niini sa lalawigan.
Mahinumduman nga niadtong Marso 1, gibisita ni Bato ang mga empleyado sa kapitolyo ug nakighinabi kang Gov. Emano ug didto gipangutana niini sa gobernador kung unsa ang tulo ka butang nga boot niining mahitabo alang sa dugang kalamboan sa lalawigan.
Imbis nga tulo, duha lang ang gihangyo sa gobernador ug mao kini ang paghimo’g International airport sa Laguindingan ug ang complete water system aron wala nay mapihig nga Misamisnon kung hisgutan ang panubig.
Gibutyag pa sa opisyal nga walay daotan kung mag cross party ang mga kandidato pagka senador tungod kay nanghinahanglan man sila’g suporta sa walay paglantaw sa pundok nga giapilan sa mga local nga kandidato.
