General Santos City–Gipaabot na lamang sa San Isidro PNP ang commitment order gikan sa korte aron hingpit ng mabalhin sa Lanton Apopong City Jail ang duha ka suspetsado kansa nasikop sa gipahigayong sunod-sunod nga operasyon sa kapulisan niadtong adlaw nga Sabado pinaagi sa pag implementa sa warrant of arrest.
Kahibaloan nga una ng nasikop ang suspetsadong si Romeo Ortiz, 54 anyos, residente sa purok 21, brgy.Fatima ning syudad alas 4:20 sa hapon human giserve sa mga personahe sa San Isidro PNP ingon man sa pakig alayon sa CMFC ang Warrant Of Arrest ngadto na sa nasampit sa kasong qualified theft dunay criminal case no.19-31419 nga giisyu ni Judge Renato Tampac sa RTC Branch- 59 , Gensan.
Ang maong kaso dunay piyansang girekomenda ang korte nga mokabat sa 90,000 mil ka pesos.
Samtang ikaduhang nasikop ang suspetsadong si Roxanne Mendoza, 27 anyos, residente block 2, lot 1, brgy.San Isidro ning dakbayan alas 10:50 sa gabie sa naasoyng lugar human giserve sa nasampit ang warrant of arrest sa mga personahe sa San Isidro PNP uban ang presensiya sa CMFC sa kasong grave slander dunay criminal case no.56081-2 nga giisyu usab ni Judge Emilio Quizon sa MTCC Branch – 02.
Ang maong kaso usab dunay piyansang girekomenda ang korte nga mokabat 18,000 mil ka pesos.
Sa kasamtangan nagpabiling tingkagol sa selda sa San Isidro Police Station ang duha ka dinakpan.(Reynald Timario)
