Nadakpan sa drug buy bust operation sa kapolisan sa Cogon Police station ug PDEA ang duha ka mga suspek sa kasong illegal drugs.
Matud ni Chief Inspector Harvey Abellanosa, Hepe sa Cogon Police station nga ang duha ka mga suspek mao silang Jason Ryan Camandero 28 anyos nga taga Zone 7- C Acasia, Carmen ning syudad ug Mark Anthony Villlacampa, 29 anyos nga taga Sityo Macanhan, Carmen.
Gibutyag ni Abellanosa nga ang duha ka mga suspek nagkonsabo pagbaligya sa illegal drugs sa usa ka police nga ilang pursuer buyer atol sa ilang Joint drug Buy Bust operation nga ilang gilunsad mga alas 4:45 sa hapon kagahapon atol sa labor day celebration sa Zone 7 Acasia Carmen ning syudad
Nakuha gikan sa mga suspek ang duha ka pakite nga suspected SHABU nga mokabat sa 0.50 grams nga dunay market value nga three thousand pesos.
Lakip sa na-imbargo sa mga otoridad gikan sa mga suspek ang marked money nga 230 pesos.
Ang duha ka mga suspek gi-detain na karon sa Custodial Facility sa Cogon Police station ug naghulat nga pasakaan sa kasong drug pushing karong adlawa.
RadyoMaN Nitz Arancon
