Nagreklamo sa pulis ang duha ka freelance model matapos mabiktima sang scam.
Base sa reklamo sang duha,m gintawgan sila sang nagligad nga semana sang nagpakilala nga si Aaron Villabert, empleyado sang Smallville 21 kag gintanyagan nga mag-model sa isa ka car show sa maabot nga Dinagyang.
Bangud ila nakita nga maayo ang offer, nagpasugot man ang mga ini.
Kaina sang aga (Nobyembre 29) liwat nanawag si Villabert sa ila kag ginhambalan nga makigkita kay alyas Daniel nga ila kuno sponsor sa event agud magpirma sang kontrata.
Subong man, natingala sila sang ginhambalan sila ni alyas Daniel nga makadto sa Dragon Lodge para sa contract signing.
Apesar sini nagsugot man sila kag nagsulod sa Lodge kag didto ginpapirma sila sa papel nga indi luyag pag-ipabasa ni alyas Daniel.
Dugang pa nga natingala sila nga gin-isyuhan sila sang tseke sang isa ka bangko nga nahuman lamang sa photopaper
Labi pa gig sila nga naakig sang ginhambalan sila ni alyas Daniel kon sin-o sa ila nga duha ang magaserbe nga escort service sini.
Bangud sini, nag-angal kag nagareklampo ang isa sa duha ka model kabangdanan napilitan ang lalaki nga maguwa na lang sa Motel.
Bangud sa insidente, ginpa-blotter sang duha ang natabu kag nagapaandam sa iban nga kababainhan nga indi basta-basta magsalig kon may mag-offer sang kasubong nga oportunidad kay basi masiod man sa bitag kag magabutang sang ila kabuhi sa peligro.
