Padayon pa nga ginahibalo ang identity sang duha ka mga gina-alegar miembro sang New People’s Army (NPA) nga napatay sa Christmas Eve clash sa Sitio Libjo, Barangay Napacao, Siaton, Negros Oriental.
Sa interview sang DYHB kay Maj. Cenon Pancito III, head sang Public Affairs Office sang 3rd Infantry Division, ginpahayag sini nga ang engkwentro las-7:25 sang gab-i sang Dsiyembre 24 ang resulta sang reports sang mga residente kag opisyales sang barangay nga may yara sang presensiya sang mga rebelde nga grupo sa lugar.
Suno kay Pancito, ang mga napatay ang makabig nga remnants pa sang Southeast Front, Komiteng Rehiyon Negros, Cebu, Bohol, and Siquijor (SEF,KR–NCBS).
Narekober naman sa encounter site ang 5.56mm M653 Baby Armalite,.45 caliber pistol, subversive documents, bandolier nga may duha ka magazines sang M-14, backpack nga may unod nga medical supplies, kag duha pa gid ka backpacks nga may unod nga personal nga kagamitan kag medical paraphernalia.
Samtang subong nga gina-selebrar sang Communist Party of the Philippines-New Peoples Army (CPP-NPA) ang ila 52nd founding anniversary, padayon ang hingyo sang militar sa mga rebelde nga magsungka na kag bayaan na ang armado nga pagpakig-away.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
