Giila ang biktima nga si Feliciano Apalya Ardenio Jr., 50 anyos, nga nakabsan sa kinabuhi, kauban niini ang usa ka babaeng menor de edad ug pulos mulopyo sa Purok-5, Metebagao, Kitaotao, Bukidnon.
Samtang ang nakabangga usa ka Fuso Super Great Self Loader Truck, nga nagtangag og plakang numero WOV804, narehistro sa BDO Leasing and Finance Inc. sa Quezon City, National Capital Region (NCR) ug gimaneho ni Charlie Amihan Dugang, 34 anyos, minyo, ug residente sa Purok Malipayon, Brgy. Sto. Nino, Koronadal City.
Sumala sa report sa kapulisan, gadagan padulong sa Malaybalay City nga direksyon ang maong truck, pag-abot sa may palugsong nga bahin sa maong kadalanan, gumikan sa kusog nga bundak sa ulan, wala niini mabantayi ang patabok sa dalan nga mga biktima hinungdan sa pagkabanggaan sa duha.
Nakaankon og grabeng bun-og ug injury sa kalawasan ang mga biktima nga daling gidala sa balay-tambalanan, apan way swerteng namatay ang 50 anyos nga si Feliciano Ardenio Jr. Luwas ra usab ang kahimtang sa babaeng menor de edad nga karon gapaayo na sa hospital.
Gikustodiya karon sa Maramag Municipal Police Station ang drayber sa nakabanggang truck alang sa tokmang disposasyon.
