Laing pasidungog na usab ang nakuha sa syudad sa Cagayan de Oro ubos sa pagdumala ni Mayor Oscar Moreno.
Kini human ning bag-o gipagawas sa rehiyonal nga buhatan sa Civil Defense ang mga regional winners alang sa 2018 Gawad Kalasag awardees.
Sulod sa lima ka sunod-sunod nga katuigan nahimong mananaog ang City Disaster Risk Reduction Management Department o C-D-R-R-M-D alang sa highly urbanized category.
Gawas niini, naangkon usab sa Oro Rescue ang laing Gawad Kalasag Award isip Best Government Emergency Management System.
Nasayran nga ang maong mga kadaugan bunga sa gipatumang kabag-ohan sa C-D-R-R-M-D nga giunhan ni Allan Porcadilla ang Officer-in-charge ubos sa pagdumala ni Retired Col. Mario Verner Monsanto, ang overseer sa C-D-R-R-M-D.
Tungod niini nalipay ug mas madasigon ang mga personahe sa maong mga buhatan sa pagpatuman sa ilang responsibilidad ug ilang kaikag sa pagserbisyo sa katawhan dili lamang dinhi sa Cagayan de Oro kon dili lakip na sa mga silingang lalawigan.
