Arestado ang duha ka lalaki matapos nakuhaan sang pito ka sobre nga may unod nga kwarta kag sample ballot matapos makalabay sa checkpoint las 2:30 kahapon sang hapon sa national highway sa banwa sang Estancia, Iloilo.
Ang mga naaresto ginkilala nga sanday Joe Gallardo kag Cristobal Lajo, lunsay pumuluyo sang Barangay Tacbuyan.
Naglab-ot sa P14, 620 ang nakuha sang mga pulis sa pito ka sobre magluwas pa sa mga sample ballot sang team RESU.
Ginpahayag nga naghalin ang duha sa balay ni Melina Requinto nga nagapadalagan alkalde sa Estancia, Iloilo kag pauli sa checkpoint kon sa diin wala sila sang bmapakita bnga driver’s license sang pangitaan sang pulis.
Nasiplatan naman sang mga pulis ang mga sobre nga natago sa ila likod kag sang ginlantaw, nakita ang mga kuwarta kag sample ballots kabangdanan nga ini sila ang gin-aresto.
