Patay ang duha ka lalaki human gipusil sa wala mailang tawo kinsa sakay sa usa ka motorsiklo.
Matud ni Police Captain Jason Sto. Domingo, ang station commander sa Police Station 7 Bulua, nga ang biktima naila sa ngalan nga si Wilmer Apostol, nga taga Valencia City Bukidnon samtang kauban niini si Brian Campongan, kapin 20 anyos, nga taga Kalilangan Bukidnon.
Nasayran nga sakay sila Wilmer ug Brian sa usa ka Kia Bongo color itum nga adunay plate number nga lng 509.
Gi manehoan kini ni Wilmer samtang anaa sa passenger seat si Brian.
Nasayran nga gikan sa bolangan ang duha, dihang gisundan kini sa duha ka suspect nga sakay sa Honda xrm nga motor, kolor itum ug walay plate number.
Pag-abot sa Marlags sa Brgy. Canitoan nagpa salba ang mga suspect hinungdan na mihunong kini og didto giduolan kini sa mga suspect og unang gipabuthan si Brian, kinsa na igo sa ulo ug dughan nga bahin.
Samtang dihang mu aksyon og pa-abante si Wilmer, gipusil kini sa usa sa mga suspect hinungdan nga nakaligo kini sa iyang kaugalingon nga dugo.
Gipangkuha sa mga suspect ang bag nga gibitbit sa mga biktima, ug dali nga misibat.
Sa karon padayon pa ang hot pursuit operation s akapulisan,samtang ang ilang patayng lawas ang gidala na sa Bukidnon.
