Pagadian City – Gapa-alim pa karon sa ospital ang duha ka lalaki nga biktima sa pagpamusil dihang dapita sa B. Aquino Street, Barangay Santa Lucia, ning syudad alas 1:45 kaganihang kadlawon.
Si PCSUPT Emmanuel Luis Licup, ang Police Regional Office 9 Regional Director niila sa mga biktima nga sila Rowel Dela Peña Manriquez, 34 anyos, LBC delivery boy, ug Ronald Maurin Enriquez, 32 anyos, Project Officer sa Katipunan Bank ug pulos residente sa Brgy. Santo Niño ning syudad.
Si Rowel nakahiagom og samad pinusilan sa sampot samtang si Ronald samaran sa iyang too nga paa nga anaa na karon sa luwas nga kondisyon.
Sa imbestigasyon nasayran nga dihang wala pa nahitabo ang insidente nalambigit sa lalis ang mga biktima tali sa lady entertainers sa Aquarium KTV bar F. Jamisola Street, Santa Lucia, Pagadian City.
Gikuhaan matud pa og video ni Rowel ang lady entertainer nga walay permiso apan ila ra usab kini nga na-ayum.
Dihang niuli na ang mga biktima sakay sa motorsiklo gisundan kini sa duha ka mga suspetsado nga riding in tandem ug walay langan nga gipamusil.
Nakuha sa dapit nahitabuan ang duha ka basiyo sa calibre 45 nga pistola.
