Patay ang duha ka mga lalaki human nabanggaan sa usa ka Montero sa Purok 8, Upper Puerto ning syudad kagahapon sa buntag.
Mga biktima mao silang Jover Cambarihan, 22 anyos, taga Maitom, Alae, Manolo Fortich, Bukidnon ug usa ka Eddie Ladangga kinsa angkas ni Cambarihan.
Nasayran nga paingon unta si Cambarihan sa Alae aron magpalit og sud-an dihang nahitabo ang insidente.
Samtang ang driver sa Montero mao si Richard Flores Torno, 50 anyos nga taga Promiseland Barangay Iponan ning dakbayan.
Nasayran usab nga nibuto ang ligid sa atubangan sa walang bahin sa sakyanan ni Torno busa nawad-an kini og control nga maoy hinungdan sa maong aksidente.
Facebook Comments
