Patay ang duha ka lalaki human mabangga ang gisakyang motorsiklo sa prime mover truck mga alas 3:30 kagahapon sa kadlawon sa Sayre Highway, Purok 7 Upper, Puerto ning syudad.
Ang mga biktima mao silang Joel Sadlucap, 33 anyos, minyo ug residente sa Purok 2, Mambatangan, Manolo Fortich, Bukidnon u gang iyang back rider nailing si Hermer Clavejo, 35 anyos, minyo, taga Purok 1, Balubal, Cagayan de Oro City ug regular employee sa Phoenix Petroleum.
Samtang detinado usab ang driver sa prime mover truck sa Phil Asia Logistics Inc. sa El Salvador City, Misamis Oriental nga si Joaquin Alcala, 50 anyos, ulitawo, taga Barangay Dansolihon ning dakbayan sa Cagayan de Oro.
Nasayran nga ang motorsiklo niagi sa highway gikan sa Barangay Puerto ning syudad paingon sa Barangay Balubal ug pag-abot sa Purok 7, Upper, Puerto aksidenteng nakabangga sa prime mover truck nga naka parking kilid sa highway.
Unang gidala pa sa Puerto Community Hospital ang mga biktima ug dayon sa Everlasting Funeral Parlor sa Casinglot, Tagoloan, Misamis Oriental.
