Sapon sa drug buy bust operation sa kapolisan sa Tagoloan, Misamis Oriental ang duha ka mga suspek nga nagbaligya sa ilegal nga druga.
Matud ni Chief Inspector Albart Tare, Hepe sa Tagoloan Munucipal Police Station nga ang duha ka mga suspek mao silang Robert Abolano, alyas Totang, 33 anyos ug Alejandro Oyao, 33 anyos nga pulos taga Barangay Puerto ning syudad sa Cagayan de Oro.
Matud ni Tare nga mga alas 7:30 sa buntag kagahapon ang duha ka mga suspek ilang nasikop sa ilang drug buy bust operation sa Zone 2 sa Barangay Santa Ana human kini nagbaligya sa illegal drugs.
Nakuha sa mga otoridad gikan sa maong mga suspek ang duha ka pakete nga suspected shabu ug 500 pesos nga buy bust money.
Ang duha ka mga suspek gi-detain sa Tagoloan Municipal Police Station samtang naghulat kini nga pasakaan sa kasong drug pushing karong adlawa.
By: RadyoMaN Nitz Arancon
