Sikop sa entrapment operation ang duha ka lalaking suspects sa sunod-sunod nga pagpangilad o budol budol ning syudad mga alas nuybe sa gabie niadtong Huwebes sa Zone 8, Barangay Bulua ning syudad.
Ang mga suspects mao silang Eric Marangit, 44 anyos, minyo ug taga Muhon, Tagoloan, Misamis Oriental ug Jerome Amarille, 27 anyos, minyo ug taga Taguanao, Barangay Indahag ning dakbayan.
Ang duha nagkasabot nga magbaligya og usa ka box sa millennium ruthenium powder, usa ka chemical nga gamit sa pagproseso sa gold apan nasuta nga compact nga iodized salt ug mongo seeds ang sulod sa nabaligyang box.
Gibaligya ang maong butang bugti sa dos mil pesos nga entrapment money.
Nakuha usab gikan sa mga suspects ang laing duha ka boxes sa maong produkto, budol money, duha ka granada ug .38 revolver nga dunay upat ka buhing bala.
Nasikop si Marangit ug Amarille pinaagi sa hiniusang pwersa sa Crime Against Person and Property Desk sa pagpanguna ni Police Captain Mario Mantala ug mga personahe sa City Intelligence Unit ubos sa superbisyon ni Police Lieutenant Colonel Joram Jumalon.
