Nagpagawas sa ilang katin-awan ang taas nga opisyal sa Police Regional Office o PRO 10 nga wala ma- missing ang leader sa grupong Kalumbay ug Kilunsang Magbubukid ng Pilipjnas kon KMP.
Matud ni PRO 10 Regional Director, Chief Supt. Timoteo Pacleb nga gidakop sa mga elemento sa Criminal Investigation and Detection Group kon CIDG niadtong Lunes sa buntag sila Kalumbay leader Jomorito Goaynon ug KMP Leader Ereneo Udarbe.
Gibutyag ni Pacleb nga si Goaynon ug Udarbe, gidakop sa mga elemento sa CIDG pinasikad sa warrant of Arrest nga gi-issue ni Judge Emmanuel Pasal sa Regional Trial Court Branch 38.
Kini tungod sa ilang gi-atubang nga kasong 4 counts of attempted Murder and Frustrated Murder .
Matud ni Pacleb nga sa dihang gidakop sa mga police ang duha ka mga akusado, nakuha gikan sa ilang possession ang pipila ka mga armas, granada ug mga subersibong dokumento sa New Peoples Army kon NPA.
Gidugang ni Pacleb nga ang duha ka mga akusado detinado sa CIDG.
