Duha ka maestro nga nadakpan sa drug buy bust sa syudad sang Talisay kag Himamaylan madugay na nga gina monitor sang mga otoridad

37

Nagaguwa sa imbestigasyon sang Himamaylan City Police Station nga apat ka mga lugar ang ginabaligyaan sang iligal nga druga sang maestro nga ila nadakpan sa buy bust operation kahapon sa Brgy. Caradio-an.

Sa interview sang DYHB kay Police Major Romeo Vargas, hepe sang Himamaylan CPS, nagabaligya sang druga ang suspek nga si Stephen Arricivita, 40 anyos sang Adela Street, Barangay 2 syudad sang Kabankalan, mismo sa Kabankalan City, sa Himamaylan, Ilog kag Binalbagan.Madugay naman nga gina-monitor sang kapulisan ang operasyon ni Arricivita.


Samtang mga isa man ka bulan nga gin-monitor sang Talisay CPS ang operasyon ni John Paul Insular, 39 anyos, maestro sang Technical Education and Skills Development Authority (TESDA) kag residente sang Octagon Village, Barangay Zone 15, antes nila ini gin-operate kahapon.

Ini matapos may concerned citizen nga nagtimbre sa ila angut sa kamala-malahan nga ginahimo sa vulcanizing shop sa Brgy. Zone 2 sa diin ini gin buy bust. Madumduman nga upod man nga naaresto ni Insular si Joenifer Juson, 36 anyos, residente sang Purok Kabulakan, Barangay Zone 10, Talisay.

[image: image.png]

Facebook Comments