Gipasakaan na og kaso kagahapong adlawa ang duha ka managhigala nga nasikop sa gihimong drug buy bust operation sa Cagayan de Oro City Drug Enforcement Unit o CDEU.
Kini ang gikumpirma ni CDEU Investigator SPO3 Jigger Rojo sa interview sa dxCC-RMN.
Matud ni SPO3 Rojo nga ang mga suspek nga silang Ronald Rey Lumacad ug Christopher Palamine nga puros taga Barangay Carmen ning syudad, nag-atubang sa kasong paglapas sa Republic Act 9165 o Comprehensive Dangerous Drugs Act of 2002.
Ang duha nakuhaan og duha ka sachet sa shabu ug buy bust money nga 500 pesos.
Gidugang ni Rojo nga naa sa drug watchlist sa Carmen Police Station si Lumacad ug Palamine ug napriso na karon sa Maharlika Detention Cell.
By: RadyoMaN Annaliza Amontos-Reyes
Facebook Comments
