Ang duha ka menor de edad pulos 7 anyos nga lalaki ug babae, ug mulopyo sa Purok-3, Barangay Patpat, Malaybalay City diin ang batang babae maoy nakabsan sa kinabuhi.
Gimanehuan usab ni Calvin Akut Jr., 51 anyos, minyo, ug residente sa Block 34, Lot 5, Victors Estate, Tigatto, Davao City, Davao Del Sur ang nakabangga nga sakyanan nga usa ka Isuzu MUX Wagon, nagtangag og plaka numero KCU7406, ug narehistro ngadto sa Bukidnon Cooperative Bank sa San Victoris St., Barangay 9, Malaybalay City.
Sumala sa report sa kapulisan, patabok sa maong kadalanan ang mga biktima sa dihang wala kini mabantayi sa gadagan nga sakyanan gikan sa Cagayan De Oro City ug padulong sa sentro nga bahin sa Malaybalay, hinungdan nga nabanggaan ang mga bata.
Nakaangkon og grabeng injury ug bun-og sa kalawasan ang mga biktima nga daling gidala sa balay-tambalanan apan nakabsan na sa kinabuhi ang batang babae. Padayon usab nga ginatambalan ang batang lalaki sa hospital.
Samtang, nakakustodiya na karon sa Malaybalay City Police Station ang drayber sa maong sakyanan nga posibleng mag-atubang sa kasong Reckless Imprudence Resulting to Homicide.
